MATERI LOMBA GEGURITAN

WUTAH GETIHKU

Dening : Mahardono Wuryantoro

Gumelar jembar bumi asri

Sumunar sumringah sunare bagaskara

Padhang sumilak hanelahi jagad nuswantara

Bumi pusaka wus kawentar,

Ombak-ombak samudra,

Kencana kang ngrenggani,

Wutah getihku daktresnani

                           Kawulamu …

                           Guyub rukun nyambut kardi

                           Jroning swasana tentrem lan merdika,

                           Giliging tekad manunggal,

                           Cumithak jroning ati,

                           Bebarengan ambangun,

Aku lila …

Korban jiwa raga kanggo bumiku

Nadyan awak ajur dadi sawur.

Lan getihku mblabar mili,

Netes ing bumi pertiwi,

Labet raharjaning nagara,

Lumantar iki …

Isining atiku ginurit,

Prasetyaku thukul saka ati kang tulus,

Njaga langgenging kamardikan,

Donga pujiku kebak kaendahan,

Kanggo wutah getihku

--------------------------------------------------------------------------------------

Prisani Ugi Rafting Dwija Bahasa Jawa Kab. Magelang KLIK MRIKI